Y & C: BONGE LA UKUMBUSHOOO!

KATIBA YA YOUTH AND CHALLENGES

YALIYOMO
1.0 UTANGULIZI
1.1.0 Muhtasari wa Umoja
1.1.1 Jina la Umoja
1.1.2 Tarehe ya Kuanzishwa
1.1.3 Dhumuni kuu
1.2.0 Imani ya Umoja
1.3.0 Falsafa ya Umoja
2.0 UANACHAMA WA UMMOJA
2.1.0 Sifa za kujiunga na Umoja
2.2.0 Jinsi ya kujiunga
2.3.0 Usitishaji wa Uanachama.
2.4.0 Urejeshaji wa uanachama.
3.0 MISINGI NA MIIKO YA UMOJA
4.0 WAJIBU NA HALI ZA MWANACHAMA.
4.1 Wajibu wa mwanachama
4.2 Haki za mwanachama
5.0 UONGOZI NA UTAWALA
5.1 Halmashauri kuu
5.2 Majukumu ya halmashauri kuu.
5.3 Uongozi na tawala ya juu ya umoja
6.0 KAMATI KUU ZA UMOJA.
6.1 Kamati ndogo ndogo za kiutendaji
6.2 Muhundo na utendaji wa kamati zote
6.3 Kamati kuu ya utendaji
6.4 Kamati kuu ya nidhamu na maadili
6.5 Kamati kuu ya fedha
6.6 Kamati kuu ya miradi
7.0 VIONGOZI WA UMOJA
7.1 Mwenyekiti na Umoja
7.2 Katibu Mkuu wa Umoja
7.4 Mratibu Mkuu wa Miradi
7.5 Wajumbe wa kamati kuu
8.0 UCHAGUZI
8.5 Tume ya Uchaguzi
9.0 MIKUTANO YA UMOJA.
10.0 MABADILIKO YA KATIBA
11.0 KIAPO
11.1 Kiapo kwa wanachama
11.2 Kiapo kwa kiongozi
1.0 UTANGULIZI
1.1.0 Muhtasari wa Umoja
1.1.1 Kikindi kitaitwa Youth and Challenge (kwa kifupi YC)
1.1.2 Umoja umeanzishwa tarehe 14/12/2008
1.1.3 Dhumuni kuu
Kuwaleta vijana pamoja kwa nia ya kuzitambua, kuzichanganua na kuzikabili changamoto zao na za jamii nzima kwa ujumla.
1.2.0 Imani ya Umoja
Youth and Challenge inaamini ya kwamba
1.2.1 Vijana ndio warithi na viongozi wa maisha ya leo naya kesho
1.2.2 Vijana ndio wahusika wakuu wa changamoto za jamii husika
1.2.3 Umoja ndio njia pekee ya viunga sahihi vya kuleta uzalenda na maendeleo
1.3.0 Falsafa ya Umoja
1.3.1 YC inaanzishwa nje ya misingi yoyote ya kisiasa, kidini, kikabila, kijinsia au hali yoyote ile ya kibaguzi, tunaamini katika umoja wa vijana wote katika kukabiliana na changamoto zao na za jamii nzima kwa ujumla.
2.0 UANACHAMA
2.1.0 Sifa za kujiunga na Umoja
2.1.1 Mtu yeyote ataruhusiwa kujiunga na YC endapo atakuwa ametimiza sifa zifuatazo
2.1.2 Awe kijana anayetambulika kwa mujibu wa katiba katiba ya Jamhuri ya Muungano wa Tanzania
2.1.3 Awe “mwenye akili timamu.
2.1.4 Awe na mdhamini angalau mmoja ndani ya umoja ambaye ni mwanachama hai.
2.2.0 Jinsi ya kujiunga na Umoja.
2.2.1 Kijana ambaye ana sifa tajwa hapo juu, atatakiwa kuomba uanachama kwa kujaza fomu za kujiunga zitakazotolewa na Umoja, kupitia kamati husika.
2.2.2 Mwanachama mpya atapitishwa baada ya maombi yake kujadiliwa na kamati ya utendaji nidhamu na maadili na kukubaliwa.
2.2.3 Kijana aliyeomba kuwa mwanachama atakuwa mwanachama wa muda mpaka apo atakapopitishwa na kamati ya nidhamu na maadili kwa maandishi.
2.2.4 Mwanachama aliyepitishwa na kamati ya nidhamu na maadili atatakiwa kutimiza masharti yote aliyowekewa na kamati ndani ya siku thelathini baada ya kupokea barua / uthibitisho wa uanachama.
2.2.5 Mwanachama atatakiwa kutimiza masharti na kanuni zilizowekwa na umoja.
2.3.0 Usitishwaji wa uanachama
2.3.1 Kufariki
Umoja utampoteza mwanachama kutokana na kifo cha mwanachama mwenyewe.
2.3.2 Kujihudhuru/kujitoa
Mwanachama atapoteza uanachama wake kwa kujiudhuru au kujitoa mwanyewe baada ya kuwasilisha barua ya uthibitisho ya kujihudhuru kwenye kamati ya nidhamu na maadili.
2.3.3 Kufutiwa uanachama
Mwanachama atafitiwa uanachama wake baada ya kupokea barua ya kufutwa uanachama kutoka kwa kamati ya nidhamu na maadili ikiainishwa sababu za msingi za uamuzi huo kikatiba.
2.4.0 Urejeshaji wa uanachama
2.4.1 Mwanachama atakuyekuwa na nia ya kurejea uanachama, atatakiwa kuiandikia barua kamati ya nidhamu na maadili na kueleza sababu iliyopelekea kusitisha uana
2.4.2 chama wake na sababu zinazomfanya atake kurejea uanachama
2.4.3 Taratibu zote za kujiunga na umoja zitatakiwa kuzingatiwa kama ibara ya pili (2) ilivyoainishwa.
3.0 MISINGI NA MIIKO YA UMOJA
Mwanachama atatakiwa kutii na kuzingatia sheria na kanuni zote zitakazopitishwa na umoja, chini ya katiba hii, na mmlaka zake.
4.0 WAJIBU NA HAKI ZA MWANACHAMA
4.1.0 Mwanachama wa YC atawajibika
4.1.1 Kuheshimu na kutii katiba ya YC
4.1.2 Kuheshimu na kutii na kanuni sheria zote za kamati mbalimabli zilizopatikana na umoja kupitia halmashauri kuu.
4.1.3 Kuhudhuria mikutano na kutekeleza kwa dhati maadhimio yatakayofikwa
4.1.4 Kujitoa kwa hali na mali kwa shughuli zote za umoja
4.2.0 Mwanachama wa YC ana haki zifuatazo
4.2.1 Kuheshiwa na kuthaminiwa utu na mawazo yake
4.2.2 Kushiriki katika shughuli zote za umoja
4.2.3 Kuchagua au kuchaguliwa kuwa kiongozi
4.2.4 Kuteuliwa katika shughuli za umoja
4.2.5 Kumdhamini mtu yeyote mwenye sifa za kujinga na umoja
5.0 UONGOZI NA UTAWALA
5.1.0 Halmashauri kuu
5.1.1 Halmashauri kuu ni mkutano mkuu wa umoja ambao utafanyika angalau mara moja kwa mwaka.
5.1.2 Ili mkutano mkuu ufanyike inabidi akidi ya nusu ya wanachama ifikiwe
5.1.3 Halmashauri kuu itaongozwa na Mwenyekiti, asipokuwepo M/Mwenyekiti ataongoza, wasipokuwepo wote ataongoza Katibu mkuu.
5.1.4 Katibu mkuu ndiye atakuwa katibu wa halmashauri kuu na asipokuwepo katibu msaidizi atakaimu.
5.1.5 Maamuzi yoyote ya halmashauri kuu yatatakiwa kupigiwa kura na kupitishwa na zaidi ya asilimia 75 (75%) ya waliohudhuria.
5.2.0 Majukumu ya halmashauri kuu
5.2.1 Kutunga na kuidhinisha mabadiliko ya katiba
5.2.2 Kusimamia na kulinda katiba ya umoja
5.2.3 Kutengeneza sera zitakazoongoza utekelezaji wa majukumu yalioainishwa Kwenye katiba na yatakayopitishwa na halmashauri kuu.
5.2.4 Kuidhinisha matumizi makubwa ya fedha au mali za umoja
5.2.5 Kujadili na kuidhinisha bajeti ya umoja.
5.2.6 Kupendekeza na kupitisha wajumbe wa kamati kuu.
5.2.7 Kujadili na kutoa maamuzi juu ya agenda zitakazowasilishwa na kamati ya utendaji
5.3 Umoja utaongozwa na uongozi utakaochaguliwa kidemokrasia na wanachama wenyewe kwenye mkutano maalum wa Halmashauri kuu:-
5.3.0 Viongozi hao ni:-
5.3.1 Mwenyekiti
5.3.2 M/ Mwenyekiti
5.3.3 Katibu Mkuu
5.3.4 Katibu msaidizi
5.3.5 Mhazini Mkuu
5.3.6 Mhazini msaidizi
5.3.7 Mratibu mkuu wa miradi
5.3.8 Mratibu msaidizi wa miradi
6.0 KAMATI KUU
Kutakua na aina mbili za kamati zitakazohusika moja kwa moja katika kuratibu na kusimamia shughuri zote za umoja kwa mujibu wa katiba ambazo ni kamati kuu na kamati ndogondogo ni kiutendaji.
6.1.0 Kamati ndogo ndogo za kiutendaji
Hizi ni kama za muda ambazo zitaundwa na halmashahali kuu kwa ajili ya shughuri maalum za kiutendaji.
6.2.0 Kutakuwa kamati kuu zifuatazo
6.2.1 Kamati ya utendaji
6.2.2 Kamati ya nidhamu na maadili
6.2.3 Kamati ya fedha
6.2.4 Kamati ya miradi
6.2.5 Kila kamati kuu itakaa madarakani kwa muda usiozidi miaka 3
6.3.0 Kamati Kuu ya Utendaji
6.3.1 Kamati hii itaongozwa na Mwenyekiti , M/ Mwenyekiti itawajibika kwa halmashauri kuu. Wajumbe wa kamati hii ni viongozi tajwa kwenye ibara ya 5.3.0
6.3.2.0 Majukumu ya kamati ya utendaji
6.3.2.1 Kusimamia shughuli zote za umoja
6.3.2.2 Kuandaa na kuitisha mkutano wa halmashauri kuu wajibu wa ibara ya 5.1 (tano)
6.3.2.3 Kuandaa rasimu ya bajeti ya umoja
6.3.2.4 Kuitisha vikao na kamati kuu zote katika kipindi kisichozidi miezi mine (4) ili kujadili maendeleo ya umoja na shughuli zake.
6.3.2.5 Kusimamia utekelezaji wa maamuzi, maagizo na mipango iliyopitishwa na halmashauri kuu.
6.4.0 Kamati Kuu ya Nidhamu na Maadili
6.4.1.0 Muundo wa kamati hii
6.4.1.1 Kamati hii itaongozwa na katibu mkuu wa umoja na katibu msaidizi
6.4.1.2 Kamati hii itawajibika kwa kamati ya utendaji
6.4.1.3 Wajumbe wa kamati hii itakuwa na wajumbe watano (5) watakaopendekezwa na mkutano wa halmashauri kuu kwa wajibu wa ibara ya 5.2 kipengele cha 6
6.4.2.0 Majukumu ya kamati ya nidhamu na maadili
6.4.2.1 Kusimamia nidhamu na maadili ya wanachama na umoja kwa ujumla kwa mujibu wa katiba hii.
6.4.2.2 Kushauri juu ya hatua za kuchukuliwa juu ya mwanachama aliyekiuka maadiliau kupuuza utekelezaji wa majukumu yake kikatiba.

6.4.2.3 Kusimamia usajili na usitishaji wa uanachama kwa mujibu wa ibara ya 2 ya katiba hii.

6.4.2.4 Kuandaa na kuwasilisha Quartile Report kwa kamati ya utendaji.

6.4.2.5 Kutunza ‘register’ na kumbukumbu za umoja

6.4.2.6 Kuandaa agenda za mkutano wa halmashauri kuu na kamati ya utendaji.

6.4.2.7 Kupokea na kuratibu matatizo yanayostahili kushughulikiwa na umoja.

6.5.0 Kamati Kuu ya Fedha

6.5.1 Kamati hii itaongozwa na mhazini mkuu na ambaye atakuwa mwenyekiti na mhazini msaidizi

6.5.2 Kamati hii itawajibika kamati tendaji.

6.5.3 Wajumbe wa kamati hii watakuwa watatu (3) tu watakaopendekezwa na mkutano wa halmashauri kuu kwa mujibu wa katiba hii

6.5.4.0 Majukumu ya kamati ya fedha

6.5.4.1 Kusimamia mali zote za umoja

6.5.4.2 Kusimamia mapato na matumizi ya umoja

6.5.4.3 Kuandaa mapendelekezo ya bajeti ya umoja

6.5.4.4 Kuandaa na kuwasilisha ‘quatile Report’

6.5.4.5 Kusimamia akaunti zote za umoja

6.5.4.6 Kutekeleza maazimio ya kamati ya utendaji

6.6.0 Kamati Kuu ya Miradi

6.6.1 Kamati hii itaongozwa na mratibu mkuu wa miradi ambaye atakuwa mwenyekiti akisaidiwa na mratibu msaidizi wa miradi

6.6.2 Kamati hii itawajibika kwa kamati ya utendaji

6.6.3 Wajumbe wa kamati hii watakuwa watano (5) watakaopendekezwa na mkutano wa halmashauri kuu kwa mujibu wa katiba hii

6.6.4.0 Majukumu ya kamati ya miradi

6.6.4.1 Kusimamia na kuratibu miradi yote ya umoja.

6.6.4.2 Kuandaa bajeti za miradi yote na kuziwasilisha kwenye kamati ya utendaji.

6.6.4.3 Kusimamia mchakato wa kusajili miradi ya umoja

6.6.4.4 Kuandaa na kuwasilisha ‘quarfile Report’ kwa kamati ya utendaji

6.6.4.5 Kutekeleza maazimio ya kamati ya utendaji.

7.0 VIONGOZI WA YOUTH AND CHALLENGES

7.1.0 Mwenyekiti

7.1.1 Atakuwa msimamizi na mtendaji mkuu wa shughuli zote za umoja.

7.1.2 Atachaguliwa na mkutano wa halmashauri kuu na atakaa madarakani kwa muhula wa kipindi cha miaka mitatu (3) kwa muhula mmoja.

7.1.3

7.1.4.0 Majukumu ya Mwenyekiti/Makamu Mwenyekiti

7.1.4.1 Kulinda na kusimamia katiba.

7.1.4.2 Kuitisha na kuongoza mikutano halali kwa mujibu wa katiba

7.1.4.3 Kusimamia utekelezaji wa maamuzi na maagizo ya vikao vya halmashauri kuu.

7.1.4.4 Kutoa taarifa za maendeleo ya umoja kwenye mkutano wa halmashauri kuu.

7.1.4.5 Kuidhinisha matumizi ya rasilimali za umoja.

7.1.4.6 Kujenga mahusiano mazuri kati ya umoja na wanachama, vikundi vingine na vyombo vya dola.

7.1.4.7 Kusimamia shughuli za kamati ya utendaji.

7.1.4.8 Ni mjumbe wa kamati kuu zote

7.1.4.9 Atapendekeza jina jipya kwa kiongozi yeyote wa kamati ya utendaji pale inapobidi. Kwa mujibu wa mamlaka yake kikatiba.

7.1.4.10 Mwenyekiti akishirikiana na makamu mwenyekiti watapendekeza majina ya katibu mkuu na katibu na mjumbe mmoja katika kila kamati.

7.2.0 Katibu Mkuu.

7.2.1 Ndiye mnadhimu mkuu wa umoja

7.2.2 Atakuwa ni mwanakamati wa kamati ya nidhamu na maadili

7.2.3 Atapendekezwa na mwenyekiti na kupitishwa namkutsno wa halmashauri kuu

7.2.4.0 Majukumu ya katibu mkuu wa umoja

7.2.4.1 Ndiye msemaji mkuu wa umoja

7.2.4.2 Kukusanya maoni ya wanachama, na kuwakilisha kwa kamati husika

7.2.4.3 Kuandaa agenda za kamati ya utendaji na mkutano wa Halmashauri kuu.

7.2.4.4 Kuandaa na kutoa taarifa za vikao, vyote vya umoja

7.2.4.5 Kutunza kumbukumbu za vikao vya umoja.

7.3.0 Mhazini Mkuu

7.3.1 Atakuwa msimamizi na mtunzaji mkuu wa rasilimali zote za YC.

7.3.2 Atachaguliwa na mkutano wa halmashauri kuu na atakaa madarakani kwa kipindi cha miaka mitatu(3) kwa muhula mmoja.

7.3.3.0 Majukumu ya Mhazini mkuu [mhazini mkuu atakuwa na majukumu yafuatayo kikatiba]

7.3.3.1 Ndiye mwekiti na mtendaji mkuu wa kamati ya fedha

7.3.3.2 Atawajibika kuhakikisha matumizi mazuri ya rasilimali za umoja

7.3.3.3 Atasimamia utekelezaji wa bajeti pia atawajibika kuandaa mapendekezo ya bajeti kwa muhula wa mwaka unaofuata

7.3.3.4 Atawajibika kutunza kumbukumbu sahihi za mapato na matumizi ya rasilimali zote za umoja.

7.3.3.5 Atawajibika kwa kamati ya utendaji.

7.3.3.6 Atakuwa ni signatory mmojawapo wa akauti za umoja

7.3.3.7 Atakuwa mjumbe wa kamati ya utendaji.

7.4.0 Mratibu Mkuu wa Miradi

7.4.1 Atakuwa msimamizi na mtendaji mkuu wa miradi yote ya umoja

7.4.2 Atachaguliwa na mkutano wa halmashauri kuu na atakaa madarakani kwa kipindi kisichozidi miaka mitatu(3) kwa muhula mmoja

7.4.3.0 Majukumu ya mratibu mkuu wa miradi

7.4.3.1 Ndiye mwenyekiti na mtendaji mkuu wa kamati ya miradi na mipango

7.4.3.2 Atakuwa mjumbe wa kamati ya utendaji

7.4.3.3 Atakuwa signatory mmojawapo wa akauti za umoja

7.4.3.4 Atawajibika kubuni na kupendekeza mbinu za miradi inayolenga kukuza mfuko wa umoja na kupanua vyanzo vya mapato.

7.4.3.5 Kusimamia majukumu ya kamati ya miradi kama ilivyoainishwa katika ibara ya 6.6.4

7.5.0 Wajumbe wa kamati kuu zote

7.5.1 Ndiyo wawakilishi wa halmashauri kuu katika kamati husika

7.5.2 Watachaguliwa na halmashauri kuu na watatumika kwa kipindi kisichozidi miaka mitatu (3)

7.5.3 Majukumu ya wajumbe wa kamati kuu zote.

7.5.4 Watawajibika kwa mujibu wa kamati zao husika kama ilivyoainishwa kwenye katiba hii.

8.0 UCHAGUZI

8.1 Viongozi wote watapitishwa kwa kupigiwa kura za siri kwenye mkutano maalum wa halmashauri kuu.

8.2 Mgombea mchaguliwa kutoka halmashauri atakayepita kura nyingi ndiye atakaye tambuliwa kuwa mshindi wa nafasi husika.

8.3 Katibu mteule na msaidizi wake pamoja na wajumbe wateuliwa wa kamati kuu watatambuliwa kuwa wamepita endapo watapata zaidi ya nusu ya wajumbe waliopiga kura.

8.4 Kutakuwa na tume ya uchaguzi itakayokuwa na wajumbe wawili na mwenyekiti

8.5.0 Tume ya uchaguzi

8.5.1 Itateuliwa katika kikao maalum cha halmashauri kuu katika kipindi kisichopungua miezi sita (6) kabla ua ukomo wa uongozi uliopo madarakani .

8.5.2 Itakuwa ni tume ya kudumu na itakaa kwa muda wa miaka mitatu.(3)

8.5.3 Mwenyekiti na mjumbe wa tume watapendekezwa na kuchaguliwa na mkutano wa halmashauri kuu.

8.5.4 Mwenyekiti na wajumbe wa tume hawataruhusiwa kugombea uongozi wowote kwa kipindi chote watakachotumikia tume hii.

8.5.5 Tume itawajibika kwa halmashauri kuu tu.

8.5.6 Tume ndio itakuwa msimamizi na mtendaji mkuu wa sheria na kanuni za uchaguzi.

8.5.7 Tume itaandaa na kupendekeza mabadiliko ya sheria na kanunu za uchaguzi.

8.5.8 Tume itaitisha na itaendesha mkutano mkuu wa uchaguzi kwa mujibu wa sheria na kanuni za uchaguzi.

8.6 Uchaguzi wa viongozi utafanyika kila baada ya miaka mitatu kwa mujibu wa sheria na kanuni za uchaguzi na utasimamiwa na tume ya uchaguzi.

9.0 MIKUTANO

Mikutano yote itakayoitishwa na kamati kuu zote na kamati za kiutendaji itatambulika, Kwa mujubu wa katiba hii endapo haitakuwa imekiuka kifungu chochote cha katiba.

10.0 MABADILIKO YA KATIBA

Mabadiliko ya katiba yatapitishwa na mkutano maalum wa halmashauri kuu tu.

10.1 Kamati ndizo pekee zinazohusika kupendekeza mabadiliko hayo.

11.0 KIAPO

Kila mwanachama wa YC atakula kiapo cha kutii katiba hii bila kutetereka wakati wa kujiunga na kwa kusema maneno yote kama yalivyohainishwa katika ibara ya (11.1.0), na viongozi watatakiwa kula kiapo cha kutii kama ilivyohainishwa na ibara ya 11.2.0

11.1.0 Kiapo cha Uanachama,

(Mimi ……….(taja jina lako kamili) kwa ridhaa yangu mwenyewe nimeamua ujiunga na umoja wa YC kwa nia njema ya kushilikiana na wenzangu vema, nitajitoa kwa kadri ya uwezo wangu wote na kueshimu katiba ya YC, Mungu nisaidie .

11.1.1 Kiapo hiki kitatakiwa kutekelezwa siku ya kukabidhiwa uanachama kwa mwanachama husika na ndio utakua mwanzo wa uanachama wake.

11.2.0 Kiapo cha Uongozi wa YC,

(Mimi ……….(taja jina lako kamili) najua na kuyatambua vema majukumu yangu kama ……….(taja cheo chako) hivyo nitajitoa kwa kadri ya uwezo wangu wote kuwatumikia wenzangu na kueshimu katiba ya YC, Mungu nisaidie .

11.2.1 Kiapo hiki kitatakiwa kutekelezwa siku ya kukabidhiwa uongozi kwa kiongozi husika na ndio utakua mwanzo wa uongozi wa kiongozi usika.

………………………. ………………..

Kassano M. Jonathan Jacob Mhomi

MWENYEKITI KATIBU MKUU

4th March, 2010 5th March, 2010

Y & C

Saturday, March 27, 2010

BONGE LA UKUMBUSHOOO!

No comments:

Post a Comment

Blog Archive

Followers